Ippaiya (Closed)

我訂了星期一晚餐，餐廳請我們到另一層千代鶴就坐已經有啲奇怪，可能平日比較靜，所以慳返啲燈油火蠟都明嘅。去到千代鶴，用手機點餐，但係手機點餐嘅menu 係冇相片睇下啲食物，請職員畀實體menu, 但係佢話冇。我坐嗰張枱連同隔離兩張枱嘅位置，職員係唔會望到我，佢亦都唔會主動行過嚟，除非佢要拎食物過嚟。食物還算可以。日本餐廳，想要杯茶，話要收錢，所以畀咗熱水我哋。

本先我都幾期待試一杯屋，朋友想食壽司魚生飯，所以我哋就只係嗌咗兩串串燒。但係就遲遲都唔嚟，燒尤魚嚟到，份量仲少過篤魚蛋嗰啲份量，一隻尤魚鬚，夠膽收咁嘅價錢。

咁嘅服務，食唔飽，我都唔想再加食物。