栢檔去骨海南雞飯 (Closed)

泰國人海南雞開到成行成市，好似七仔咁梗有一間响左近。反而呢間响環鳳街嘅"食神"海南雞飯店，依家先响龍城開分店...今日特登走去一嘗呢個曾得"食神爭霸戰"銀獎嘅雞飯...雞全部去骨，啖啖肉，但始終都係覺得連骨嘅雞係比較啱小弟口味；雪藏貨色就預咗，肉不太嚡，皮亦滑。貪心D諗若果皮與肉之間有埋層膠質就仲正...油飯全然不油，亦唔夠上色，絕對係水準以下...醬料有黑豉油膏、葱茸及甜酸醬，合格la；但又欠缺一碗雞雜湯...絕不能稱之為一個好嘅海南雞飯...食神爭覇戰? 遊戲一場而已...