素年 (黃埔天地百寶坊)

Open Now

Now Closed

//menu已轉，無咗呢個芫荽包啦\\-🍔芫荽芝士不可能漢堡 $138☕️燕麥奶latte 跟餐+$24 -第一次食素年同時又第一次食植物肉漢堡，唔抗拒芫荽嘅人見到芫荽包張相，就決定要食佢🤩無留意到食物份量比較大，一嚟到枱真係「嘩」一聲，咁大份嘅😟。麵包有烘過（好似奶油豬咁，脆脆哋）。芫荽放喺純素芝士上面，搶眼。初嘗植物肉，估唔到佢可以好似牛肉咁，中間有幾分粉紅色，真係幾似。至於味道就當然無牛肉味，不過口感同樣實在，好似食緊肉咁。除咗主角芫荽包，配嘅蕃薯薯條，甜而香脆。由於食物份量真係好足料，如果你自問好大食，素年嘅份量絕對夠填飽你個胃。普通人都係預埋朋友去食好啲，唔係就每樣剩低一半㗎啦🥲叫主食有跟餐飲，可以揀熱玄米茶或者凍伯爵茶。想飲咖啡亦可以加配，我就試咗佢哋嘅燕麥奶咖啡☕️。