Video
Read full review
2021-08-28
43 views
我諗係我係香港食過性價比好高既海南雞飯👍🏻旺角食飯選擇多，由其靠近廣華醫院果邊既豉油街或者女人街兩邊，都有大量既餐廳。雖然有平有貴，但係今日試到既呢一間餐廳，仲要係食海南雞飯既，真係平到打左個突🤣🤣🤣海南雞飯唔洗四十蚊，三十六蚊一盒大大盒。當然，淨平係冇意思，不過睇落個門面都ok同入面都坐左唔少人，咁就一試無妨😆😆😆餐廳menu item唔多，但有時咁樣先好，因為如果唔係好大間既餐廳，太多item總有伏😆主食menu就簡簡單單集中番喺三樣野度，海南雞、泰式滷水豬手同咖哩牛腩飯我地兩個人，就叫左頭兩樣🤤🤤🤤另外再加埋小食、甜品同樣飲，試勻哂佢，正👍🏻沙律同飯唔洗點等，好快就黎。沙律係青木瓜沙律，擠到滿既一碗仔除左有青木瓜，仲有豆角同車厘茄🍅🥗醬汁好夠味，除左酸甜，仲有魚露既咸香味既清新又惹味，但係對於唔算好食得辣既人黎講，呢個辣就唔止少辣🤣接住上既係兩個飯嘩，大大兜，份量十足海南雞飯既油飯好香，而且唔係又油又黏肥騰騰咁樣因為餐廳用比較乾身有少少似印度香米咁既米，飯乾爽得黎又香香茅味😋😋😋雞肉嫩滑，而且半份雞胸半份雞髀，唔洗抽獎。配上蒜味香又惹味既醬汁，非常唔錯👍🏻👍🏻👍🏻而豬手飯既豬手就
旺角食飯選擇多，由其靠近廣華醫院果邊既豉油街或者女人街兩邊，都有大量既餐廳。雖然有平有貴，但係今日試到既呢一間餐廳，仲要係食海南雞飯既，真係平到打左個突🤣🤣🤣
海南雞飯唔洗四十蚊，三十六蚊一盒大大盒。當然，淨平係冇意思，不過睇落個門面都ok同入面都坐左唔少人，咁就一試無妨😆😆😆
餐廳menu item唔多，但有時咁樣先好，因為如果唔係好大間既餐廳，太多item總有伏😆
主食menu就簡簡單單集中番喺三樣野度，海南雞、泰式滷水豬手同咖哩牛腩飯
我地兩個人，就叫左頭兩樣🤤🤤🤤
另外再加埋小食、甜品同樣飲，試勻哂佢，正👍🏻
沙律同飯唔洗點等，好快就黎。
沙律係青木瓜沙律，擠到滿既一碗仔
除左有青木瓜，仲有豆角同車厘茄🍅🥗
醬汁好夠味，除左酸甜，仲有魚露既咸香味
既清新又惹味，但係對於唔算好食得辣既人黎講，呢個辣就唔止少辣🤣
接住上既係兩個飯
嘩，大大兜，份量十足
海南雞飯既油飯好香，而且唔係又油又黏肥騰騰咁樣
因為餐廳用比較乾身有少少似印度香米咁既米，飯乾爽得黎又香香茅味😋😋😋
雞肉嫩滑，而且半份雞胸半份雞髀，唔洗抽獎。配上蒜味香又惹味既醬汁，非常唔錯👍🏻👍🏻👍🏻
而豬手飯既豬手就滷得夠林，而且炆得好夠味👍🏻
滷水汁夠香，咸咸甜甜。豬手既份量雖然冇雞咁多，但係勝在佢加左隻流心蛋
溏心蛋配埋滷水汁，撈飯絕配
而且豬手飯都有跟左醬汁，酸酸辣辣，沾埋更加唔會膩😋👍🏻
野飲揀左柑桔蜜同白桃烏龍🍑
柑桔夠濃，酸味都幾勁，食完飯飲就夠哂解渴
白桃烏龍係唔甜既茶包，清香又無糖，都係唔錯既選擇👍🏻
最後既芒果糯米飯，椰汁夠多，糯米夠軟熟🥭🥭
比起六七十蚊一碟，只需十六既呢個份量，無論做飯後甜品定拎走做下午茶都係perfect
又超級平又唔洗焗住食哂大大碟😍😍
餐廳行平價路線，味道係唔錯。而且飯又大兜，沙律同甜品又係一人份，一個人食定幾個人share，堂食追加即食定拎走都好抵食👍🏻👍🏻
Post
