Video
Read full review
2020-04-23
331 views
天氣突然轉凍，令我嘅火鍋癮又起啦！近近地就喺尖沙咀度打個邊爐啦！因為疫情嘅關係，除咗量體溫同埋消毒噴手呢啲必需的之外，因為每張枱都要隔到好遠，所以食完個身都冇乜邊爐味。因為我太愛食鴨血啦，所以仍然逃唔出要麻辣鍋嘅命運。我哋嗌咗小辣，我覺得個辣度啱啱好，唔會太自虐，但係有麻麻辣辣咁好過癮。而佢啲鴨血真係好正，比較軟身，但都索湯啲，一開始食已經入晒味，不過我諗最主要係佢本身啲鴨血都有煲過。而我自己本身唔係好鍾意食豆製品，但係佢呢個蜂巢豆腐真係好正，索晒啲湯，所以我自己都食咗好多舊。另外令我好驚喜嘅係呢度嘅羊肉片，因為佢雖然帶有少少騷味，但係佢嗰隻騷係令人可以接受嘅，而且啲羊肉唔會一淥就散，所以呢樣平時我唔多食嘅又令我食到舔舔脷。除咗樣之外，我哋仲叫咗打邊爐不可少嘅牛肉，呢個牛肩肉比較瘦，但都唔會韌，帶有淡淡牛味，感覺食落唔會燥。另外仲有一個黑白墨魚滑，黑色嗰邊係加咗墨汁，兩款都好彈牙，但係感覺白色嗰邊會比較實啲。另外仲有個手打蝦丸，唔知係唔係佢呢隻蝦本身嘅味道都係咁，定係真係唔夠新鮮嘅關係，有少少味道。然後麻辣鍋另一樣唔可以少嘅係白蘿蔔， 佢啲蘿蔔冇渣，索晒啲湯真係好好味。然後仲有一樣唔係
因為我太愛食鴨血啦，所以仍然逃唔出要麻辣鍋嘅命運。我哋嗌咗小辣，我覺得個辣度啱啱好，唔會太自虐，但係有麻麻辣辣咁好過癮。
而佢啲鴨血真係好正，比較軟身，但都索湯啲，一開始食已經入晒味，不過我諗最主要係佢本身啲鴨血都有煲過。
而我自己本身唔係好鍾意食豆製品，但係佢呢個蜂巢豆腐真係好正，索晒啲湯，所以我自己都食咗好多舊。
另外令我好驚喜嘅係呢度嘅羊肉片，因為佢雖然帶有少少騷味，但係佢嗰隻騷係令人可以接受嘅，而且啲羊肉唔會一淥就散，所以呢樣平時我唔多食嘅又令我食到舔舔脷。
除咗樣之外，我哋仲叫咗打邊爐不可少嘅牛肉，呢個牛肩肉比較瘦，但都唔會韌，帶有淡淡牛味，感覺食落唔會燥。
另外仲有一個黑白墨魚滑，黑色嗰邊係加咗墨汁，兩款都好彈牙，但係感覺白色嗰邊會比較實啲。
另外仲有個手打蝦丸，唔知係唔係佢呢隻蝦本身嘅味道都係咁，定係真係唔夠新鮮嘅關係，有少少味道。
然後麻辣鍋另一樣唔可以少嘅係白蘿蔔， 佢啲蘿蔔冇渣，索晒啲湯真係好好味。
然後仲有一樣唔係度度有嘅水蓮，呢隻台灣菜淥一淥就食得，食落去索索聲，好爽脆。
然後因為好奇心驅使之下，想知道咩係王子麵，嚟到先知道原來係台灣嘅公仔麵品牌，但係又幾好食喎。
因為佢係扁身啲，所以淥一淥好快就食得，因為我唔係太鍾意食好林嘅麵，所以我覺得佢咁樣快得嚟又彈牙，又幾ok。
Post
