湯加 (Closed)

環境方面，舖內十分狹窄，身型中等都要縮埋一舊咁食嘢，健碩少少都唔好諗住坐得舒服。食到中途有個男人入到去，淨係見到個位都已經話坐唔到...除咗卡位基本上都要搭枱。食物方面，叫咗碗扎肉淮山麵，冬蔭功湯底。嚟到之後一睇，仲以為叫咗碗紫菜淮山麵，成碗都係紫菜。湯底直頭唔掂，完全唔似冬蔭功湯，得陣酸味，擺兩條香茅落去做裝飾就算...重點係碗麵加咗料，有條頭髮喺裡面，見到即刻唔開胃。飲品叫咗杯紅豆冰。真係名副其實嘅紅豆「冰」，一舊舊大過燒賣嘅冰佔咗半隻杯，飲咗一淡甜到入心，仲甜過蜜糖，即刻唔想再飲。最後，啲職員安排坐位又唔好，啲侍應叫極又無反應，隔離搭枱嗰客叫咗侍應起碼三次都無人應。啲嘢食嚟到又就咁擺喺枱就算，已經要搭枱架啦，完全唔知啲嘢食係邊個...發現碗麵有頭髮之後，同個職員講聲，連「哦」一個反應都無。呢間嘢真係出類拔萃，不可一不可再。