Video
Read full review
2013-11-02
33 views
放工同老婆食飯, 突然想食韓國嘢就去咗韓國街覓食, 去到見到呢間亞之媽, 外觀好似正常就衝咗入去, 惡夢開始...一入去想搵位, 同店員講兩位, 一次無反應, 兩次就求其指我地去同人撘枱。坐低揀好食乜要點餐時, 都係要千呼萬喚先有反應, 諗住唔知你好唔好食, 叫住兩樣醫肚先, 點知店員一落完單就粗聲粗氣咁兇我哋 "係咁多啦嘛？無得加單架!", 算...貴店巴閉唔憂做, 咁叫多樣煎餅。嘢食方面唔太掂。炸醬飯太濃味, 無飯香, 失敗; 燒牛肋骨飯啲牛完全無牛味, 乾到似牛肉乾咁, 失敗; 六草嘢嘅泡菜煎餅完全無泡菜味, 同酒樓十幾蚊碟的煎薄撐完全無分別, 失敗中嘅失敗。一食完個店員又出現, 問有冇漏單, 然後就問都無問就掉張單過嚟, 係掉! 唔係拎, 唔係放, 唔係俾! 我哋講都無講過埋單, 食完想飲杯茶都可以啩? 由入門口到食完都唔夠二十分鐘, 真係有必要咁趕!? 我哋最後都繼續坐多十分鐘, 飲多兩杯茶先走, 期間一位韓藉店員 (貌似店長) 過嚟加茶時我哋同佢講該位店員態度問題時, 佢話唔好意思, 但同時背景就係另一店員洗碗時極粗暴嘅聲響 (嘭嘭嘭...)!! 佢最後補咗句 "唔好意思
一入去想搵位, 同店員講兩位, 一次無反應, 兩次就求其指我地去同人撘枱。
坐低揀好食乜要點餐時, 都係要千呼萬喚先有反應, 諗住唔知你好唔好食, 叫住兩樣醫肚先, 點知店員一落完單就粗聲粗氣咁兇我哋 "係咁多啦嘛？無得加單架!", 算...貴店巴閉唔憂做, 咁叫多樣煎餅。
嘢食方面唔太掂。
炸醬飯太濃味, 無飯香, 失敗;
燒牛肋骨飯啲牛完全無牛味, 乾到似牛肉乾咁, 失敗;
六草嘢嘅泡菜煎餅完全無泡菜味, 同酒樓十幾蚊碟的煎薄撐完全無分別, 失敗中嘅失敗。
一食完個店員又出現, 問有冇漏單, 然後就問都無問就掉張單過嚟, 係掉! 唔係拎, 唔係放, 唔係俾! 我哋講都無講過埋單, 食完想飲杯茶都可以啩?
由入門口到食完都唔夠二十分鐘, 真係有必要咁趕!? 我哋最後都繼續坐多十分鐘, 飲多兩杯茶先走, 期間一位韓藉店員 (貌似店長) 過嚟加茶時我哋同佢講該位店員態度問題時, 佢話唔好意思, 但同時背景就係另一店員洗碗時極粗暴嘅聲響 (嘭嘭嘭...)!! 佢最後補咗句 "唔好意思呀, 佢打份工啫, 態度係差啲, 但所以我哋亞之媽咪咁平囉", 平? 兩個人三樣食物無飲品盛惠HKD 195, 唔算貴, 但由服務到食物無一樣對得住呢個價錢。
嚴重強烈建議各位唔好考慮呢間! 不可一, 不可再!
Post