宅麵專門店 (Closed)

晚上同朋友睇完《變態超人》經已差唔多10點，大夥決定去淘大花園食飯。不過去到都經已10點半，所以有好多鋪頭都唔做生意。正當苦惱之際，就見到呢間「宅麵專門店」，而且宵夜時段仲有7折優惠，就決定一試。舖面其實好細，應該最多只可以坐到15個客人，見到有二人套餐，不過原來宵夜時段叫任何套餐都無七折，所以我都係單點算。店面嘅冰水都係檸檬水，而且味道仲要比Pizza Hut嗰啲好，真係有啲意外！鋪頭嘅面食都算幾大路，不過價錢唔算平，而且每加野都要加錢，有啲「搵笨」嘅感覺。揀咗陣最後決定要 赤丸味噌拉面 $69 轉 博多幼麵 $2有朋友要套餐都係叫咗呢個，我哋都係轉左博多面，但上第一碗時發覺根本無轉，追問下原來侍應睇單漏哂，之後我個碗就幫我轉翻。味道方面相當一般，喜歡拉面嘅朋友應該都會比唔合格佢。重點係：我未係日式拉面見過椰菜，成個湯嘅味道比佢搞到好怪 可能我見識少，對唔著。另外，我仲點咗個日式煎蝦餃子，點知又幫我落錯單！送咗份普通日式煎餃子嚟，結果查証後都幫我整翻份日式煎蝦餃子。最後一位貌似店長嘅人就話「雖然都煎咗，就請埋你地食啦！」（但我記憶係佢入單的 ）日式煎蝦餃子 $0 老老實實，真心唔