本身想叫 黃金蟹膏牛奶沾麵 $90 + 富山灣白鹽蝦拉麵 $85 + 芥末薯條 + 煙熏三文魚沙律 $48
店家話不如叫 雙人特惠套餐$268 （本身只係包拉麵唔包沾麵 店家話今次special比我地）套餐包括兩碗拉麵 小食有雞翼同餃子二選一 沙律二選一 同埋兩杯布甸
本身都有hesitation 因為好想食薯條🍟 但係店家推介餃子好好食出面買好貴 所以決定信佢一次🤥
🍜 沾麵：蟹膏腥味都重 沾麵碗醬汁仲重牛油味 搶晒成個蟹膏嘅味道
🍜 拉麵：還可以啦 塊紫菜林晒 咬唔開🥴
🥟 餃子：伏🙈 店家講到好好食 滿心期望咁咬落去 同自己買包餃子煎無分別🙉
🍮 布甸：可能已經食到好飽嘅關係 布甸食唔晒 士多啤梨味色素好高 但係食落去有百力滋嘅味道 所以唔係想像咁難食😂
不可一不可再🙌🏻🤫 希雲街仲有好多好野食💛
