日本野 (銅鑼灣廣場二期) (Closed)

呢度啲好評我唔去評論真與假，口味各有不同。總之就係味千級數嘅港式日本餐廳，其實一開波話同層三間餐廳都係同一老闆已覺伏。入去食個快lunch，單點柚子雞翼夠膽死係雞翼加啲柚子蜜落去😂午餐叫牛飯同豚肉飯都係落重醬汁，咸到一個點之餘，全部都係現成醬汁。就連可樂都係機沖唔係罐裝，真係浪費左我一個午餐quota。間餐廳環境正常整潔，員工態度都正常（午市兩點後入，現場唔夠五檯客）但真心味道難食過我自己煮，去吉野家買個大盛牛飯都無咁嬲，仲平幾十蚊。