滿堂紅頂級雞煲火鍋 (Closed)

朋友話想食烤魚，又想啤下，咁啱見呢間有任飲任食烤魚，168任食2個鐘，地點又方便，評價唔錯就黎試下，點知就中伏了。我地一行3人，叫左麻辣烤魚小辣小麻，係鯇魚，條魚等左好耐都未到，原來要25分鐘先上得。等緊嘅時間緊係拎下佢啲熟食，都有好幾款，都唔錯嘅，尤其佢有蒜泥白肉食。真係差唔多25分鐘條魚終於黎，果陣先發現個電磁爐好污糟（冇影到最污糟果度），根本冇抹乾淨，有3隻撈同湯殼用，但係3隻都係污糟嘅條魚雖然唔細條，但食落口麻麻地，魚肉好散，唔新鮮。雖然係麻辣，但除左有辣味，其他味我都形容唔到係咩味，總之奇奇怪怪咁...食左大半條魚，叫嘅配菜都未黎，原來係漏左單。不過呢度有樣好嘅係可以叫半份。但係啲配菜係一般任食嘅貨色，不過不失，除左幾樣係差啲，芝士丸係我食過最差最難食，成粒野好似化學野咁；薯粉又係奇奇怪怪，同平時果陣唔同，碌幾秒成條唔見左，唔好食；啲年糕都係cheap野黎... 唯一幾好嘅係響鈴同魚皮，夠脆。同埋我地果層有一個年輕嘅waitress態度好好（雖然得佢一個係好），值得一讚。真心覺得我係屋企附近食98蚊任食嘅烤魚都好過佢，無論係條魚定係配料。可能呢間真係要食返雞煲先會好啲。