水之泉 (Closed)

起身見肚餓就到樓下商場睇吓有咩好食，發現有間新開嘅餐廳就諗住試吓。等左大概四個字先有得入，咁都算我都明白新開業係會多人試，入到去坐低就叫咗個香茅豬扒檬粉+泰式鳳爪同埋一杯凍檸茶少甜。其後因為我張枱係搭枱，上菜極混亂，將幾位嘅客人嘅餐點都撈亂晒，而我杯凍檸茶少甜亦都變咗凍檸茶走甜，當自己好聲好氣咁同侍應講想要返少少糖漿，個侍應就隨手拎左我本凍檸茶，返嚟是態度極差咁講：「沖過杯比你」二新嗰杯凍檸茶我相信唔係普通凍檸茶，而係重甜嘅凍檸茶。呢間野真係同毒品一樣不可一不可再🤦🏻‍♀️🤦🏻‍♀️🤦🏻‍♀️而且冇泰式鳳爪就轉左越南米卷，個米卷極之油，拎起仲會滴油，只有個檬粉中規中矩，價錢亦唔算平，以咁嘅價錢我寧願去食越棧。