漁道樂 (Closed)

我首先講出結論。冇冷氣。刺身唔新鮮有腥味。漏單。食品hea做早幾日約咗朋友去食晚飯。經openrice訂位。當晚準時到達及由職員安排入座近門口位置。坐係度熱到標晒汗。問職員有冇其他位可以轉就敷衍hea答了事。Ok冇問題。我當出下汗減肥。之後先叫一round刺身。叫咗個400幾蚊刺身。結果啲刺身係係唔新鮮同有腥味嘅。溫度仲要係室溫。完全唔似係放係冷凍櫃雪住。之後再叫咗明太子玉子。吉列黑豚。蒲燒鰻魚3款熱食。等咗十零分鐘玉子最先上枱。一睇個賣相就知出事。hea煮到只係將啲明太子放上塊煎蛋皮中間再卷成一碌切件上碟。蒲燒鰻魚就只係一條現成鰻魚用微波爐加熱後切件上碟。到枱時仲要只係得個暖字。最後最後30分鐘後再催單先上嘅吉到黑豚。賣相還算可以。不過一入口又出事。炸到件豬扒死實實又硬又乾。最後埋單成千銀。真係食到一肚火睇完之後幫唔幫襯大家自己諗下啦。