藍象泰國餐廳 (Closed)

當你睇到我呢篇文章嘅時候，我已經中咗招。母親節諗住帶阿媽食餐好嘅，見到某飲食雜誌有報導呢間餐廳，好似唔錯，又恃住喺泰國出晒名就試下。打電話問咗，夜晚冇semi buffet，就Book咗12點半。當日係星期一紅日去到，門口同樣有兩家人book 12點半嘅，大家都要等，怨聲載道。等咗差不多半個鐘先開始入到去，我哋好彩坐海景位，但其實個海景都係一半半，而且喺正buffet枱隔離，人哋就黐住我哋嘅座位排隊，好擠逼。不得不提，員工人數嚴重不足，搵好耐都冇人理。可能亦因為咁，每個員工態度都能用惡劣嚟形容：唔應、黑面、發呆、應咗都冇下文，樣樣齊。水平非常一致。👍而食物方面，冇一樣特別好食，反而味道控制得唔好，大部分較鹹，該辣嘅唔辣。價錢仲唔平添😞總結，不要盲目跟隨傳媒宣傳去幫襯食肆 ，更加唔好以為海外出名嘅餐廳嚟到香港會一樣水準。