日山 (合和商場)

Open Now

Now Closed

「日山」東京首間分店係1935年由有百年歷史嘅日本和牛鑑定「日山畜產」開嘅，仲連續十年攞到東京米其林一🌟！之前分享過海港城店，連壽喜燒醬汁都係東京空運過來，今年年初日山喺灣仔再新開分店，約埋朋友再嚟試下！今次揀咗幾個唔同嘅set menu，前菜、溫物、壽司，再到壽喜燒，真係種類多到眼花撩亂！我印象最深刻係前菜嘅脆炸和牛薯球，口感輕盈又豐富，牛脂香味十足，真係好正！仲有鵝肝A5和牛壽司同海膽A5和牛散壽司都是我嘅最愛♥️！set入面試咗A5和牛肉眼同西冷，肉眼口感更加綿軟，脂肪比例幾近完美；西冷就稍微韌啲，但都好好味，用「入口即溶」形容都唔為過，幸福！🧑‍🍳師傅喺席前燒嘅儀式感完全還原咗傳統壽喜燒嘅做法🪭，而且日式榻榻米古董房都係還原東京本店，唔使飛去東京就可以食到地道sukiyaki，真係超幸福！