六喜見 (Closed)

小店主打自家製手打蝦丸、豬肉丸，新鮮即做，不添加防腐劑同味精，原汁原味！🌟雙湯手打蝦丸香蔥撈麵當然要試下佢地自家製嘅手打蝦丸，蝦丸非常大粒，成粒都係新鮮蝦肉製成，無加粉同味精，爽口彈牙，鮮味十足！雙湯即係用傳統大地魚金湯加秘製蝦香海味金湯合併而成，味道鮮甜甘香，真材實料！海家漁湯豬丸麵豬丸麵都係自家製，亦不加味精，原汁原味，湯或係鮮甜嘅魚湯，味道不會太濃，亦無魚腥味！麵食可以選擇幼麵、粗麵、河粉或瀨粉。一人炸蟹餅蟹餅即叫即炸，食落卜卜脆，非常香口，仲有蟹肉嘅鮮味！雙湯淨雲吞雲吞大粒，皮薄餡靚，配埋雙湯，令雲吞鮮味更突出！