等一隻貓咖啡 (Closed)

等一隻貓咖啡係一間流浪貓cafe，除咗照顧店內貓仔，亦會將收益用喺流動貓義工隊上。Cafe採用和風設計，座位寛闊，貓咪同客人都有足夠活動空間，又唔會overload貓仔。入座後店員好清晰咁介紹收費同規則。Menu比起網上見到嘅豐富咗唔少，而且食物飲品賣相同味道都比網上評價好，睇嚟店員都有心搞好Cafe。推介牛肉漢堡餐～漢堡夠juicy，煙肉唔會過鹹，配埋蕃茄生菜夠晒經典。加上非油炸薯條好大份，兩個人share都ok~店內亦有唔少蛋糕選擇，唔洗加錢嘅飲品款式都好多。最熱賣嘅一定係Oreo 朱古力，因為有靚有邪惡。但我覺得最有驚喜嘅係蜂蜜咖啡，飲落順喉，咖啡香滑。兩三點大部分貓貓都會瞓個靚覺，係影睡顏嘅好機會！！