呢間燒烤唔止得一間舖，係港九新界都有幾間，真心方便！中環區一向都食嘢唔平，燒烤堂嘅價錢算比較平民價而且高質，所以今次都係揀返民間！好彩我哋都唔算晏，入座個時已經好多顧客，坐咗一陣就已經座無虛席，超級多人！今次我哋就食咗呢啲！
焦糖青蘋果鵝肝多士
燒烤堂名物，亦都係最愛最好打卡🤣🤣痴線，塊鵝肝真係好大，加埋脆多士同焦糖青蘋果，入口真係好滿足！
汁燒免治雞肉軟骨棒（付月見）
免治雞肉軟骨採用汁燒，好入味，仲要配埋生蛋點汁，太嫩滑啦！
鹽燒原塊雞皮
好欣賞呢塊雞皮，唔係一般燒烤咁細細串卷埋唔脆，燒烤堂做得非常香脆！
汁燒鮮雞肝
多汁鮮雞肝真係好正，燒到啱啱好唔會鞋颯颯咁！啖啖都食到正雞肝！
鹽燒A4宮崎和牛
燒牛就每次燒烤必點，呢度就有A4宮崎和牛串，油膩分布均勻，入口即化！
蒜蓉燒蟶子
超香超新鮮嘅蟶子，蒜蓉粉絲燒絕對能帶出鮮味！
浜燒活元貝
浜燒我一向都好少點，今次店員推介就試吓，估唔到係好鮮甜，純正的元貝鮮味！
鹽燒白鱔
燒烤唔可以唔點白鱔，呢次嘅白鱔超肥美！個皮仲要勁香脆！
孜然燒蒜蓉茄子
正呀，燒茄子我哋去燒烤都試過，但都係唔入味，茄子配孜然蒜蓉真係好入味！
鹽燒雞軟骨
鹽燒雞軟骨係燒烤必點，用黎佐酒一流！
味淋魚干
魚干以往都比我感覺好乾，今次食呢個味淋魚干好juice，點少少沙律醬好好味呀！
生啤
燒烤點少得配啤酒🍻，而家做緊買一送一優惠，梗係要啤啤佢啦！
老實講，以價錢同質素黎講，燒烤堂真係💯，下次約朋友聚會都會揀佢！
1
🍢燒烤堂(中環)
📍地址: 中環安慶臺1號安慶大廈地下A號舖
