潮洲滷 (Closed)

又打風落雨，去灣仔地鐵站坐車回家，路經潮州鹵，一於買外賣返屋企煲劇。每次食潮州滷，都唔會另人失望。水準依舊，最喜歡佢唔會死鹹，食完唔會要狂飲水解渴。每次都要外賣兩盒，慢慢嘆招牌滷水鴨半隻非常欣賞佢地既滷水鴨，因為好難揾到近乎零脂肪既鴨品嚐 ，可以吃到真正既鴨肉而不是滿口肥油肥肉。九成是瘦既鴨肉，雖沒有肥油滋潤，但完全唔會覺得鞋口，肉嫩有彈性，醮點他們的酸甜汁，很惹味。他們把醬汁放在小袋子，方便派發。貪心既我，拿多份酸甜汁，因為佢真係可以另到啲滷味升華到另一個層次。底層還附送數件鹵水豆腐。啲豆腐其實好好食，大大件，有鹵水味但又唔會死咸。成日都想食多幾件，下次要額外order先。滷水蛋又平又好食，有淡淡鹵水香。滷水四味滿滿一盒，有豬耳，豬腸，鵝腎和潤💛豬耳，肉厚，軟骨位爽脆，不用醮汁也很好味。豬腸，很乾淨，也不會太肥，口感柔韌，有嚼勁。鵝腎一個切片，煙煙韌韌，少食多滋味。鵝潤夠粉夠腍，味道甘香，簡中食下都唔錯。