Video
Read full review
2014-05-22
3594 views
次次經過呢間 Simplylife 出面條人龍都十分驚嚇，今次終於要黎挑戰自己既耐性! 不過其實原來條人龍都流動得好快，今次總算無半途而費，排左大約一個鐘就入得去喇!平時食 Simplylife 都係晏晝去奧海城戈間食，今次第一次黎呢間食晚餐，感覺開揚舒適，open kitchen 既設計可以不時見到大廚們不停地煮，仲見到火氣十足既場面。落完order後就送上法包，一向都唔喜愛食硬既包，就算搽左牛油都好硬，只係食左少少就放棄。而跟餐既甘筍忌廉湯，質地有d稀，唔夠濃郁。今次叫左3個餐 - 燒黑鱈魚、燒紐西蘭羊膝、燒美國肉眼扒，三個主菜中只有燒黑鱈魚最好食，魚肉十分嫩滑，煮得剛剛好，而底下既薯蓉雖不稱上滑溜，但頗有牛油味。而燒紐西蘭羊膝，雖然都算稔，唔洗點切都已經可以將肉切散，不過食落都有少少韌，味道都算過得去。最失望既係燒美國肉眼扒，一上枱我地已經呆左，點解d薯條咁燶既!? 好彩食落都算ok，但係塊牛扒就...雖然我地要七成熟，但如無記錯個侍應話呢度淨係可以八成熟或五成熟，五成熟朋友驚太生，咁我地就要八成啦，點知塊扒煎到好乾，有d燶，苦苦的，食左一舊已經唔想再食，好辛苦先食得哂...下
平時食 Simplylife 都係晏晝去奧海城戈間食，今次第一次黎呢間食晚餐，感覺開揚舒適，open kitchen 既設計可以不時見到大廚們不停地煮，仲見到火氣十足既場面。
落完order後就送上法包，一向都唔喜愛食硬既包，就算搽左牛油都好硬，只係食左少少就放棄。而跟餐既甘筍忌廉湯，質地有d稀，唔夠濃郁。
今次叫左3個餐 - 燒黑鱈魚、燒紐西蘭羊膝、燒美國肉眼扒，三個主菜中只有燒黑鱈魚最好食，魚肉十分嫩滑，煮得剛剛好，而底下既薯蓉雖不稱上滑溜，但頗有牛油味。而燒紐西蘭羊膝，雖然都算稔，唔洗點切都已經可以將肉切散，不過食落都有少少韌，味道都算過得去。
最失望既係燒美國肉眼扒，一上枱我地已經呆左，點解d薯條咁燶既!? 好彩食落都算ok，但係塊牛扒就...雖然我地要七成熟，但如無記錯個侍應話呢度淨係可以八成熟或五成熟，五成熟朋友驚太生，咁我地就要八成啦，點知塊扒煎到好乾，有d燶，苦苦的，食左一舊已經唔想再食，好辛苦先食得哂...下次都係都係要五成熟好喇...
食完主菜就揀甜品，我地唔想食得太甜太膩，所以揀左綠茶紅豆蛋糕，同士多啤梨忌廉蛋糕。喺出面餅櫃d蛋糕明明大大件，點解攞到上枱好似細左咁既!? 兩個蛋糕都唔算甜，綠茶紅豆蛋糕帶有淡淡既綠茶味，唔算香濃，紅豆亦唔夠多，較為普通。反而野莓忌廉蛋糕尚算驚喜，喜歡佢既忌廉較少，野莓酸酸甜甜，可消解主菜肉類既油膩感。
平時除左會去 Simplylife 食Lunch外，仲會買d pastry返屋企，今次第一次排咁耐隊食晚餐，有d失望，不過都可能係又一城呢間分店既問題既，但係如果要我再排咁耐，我一定唔會食，因為又一城仲有其他好既選擇......Post
