Colleague Music Restaurant (Closed)

一行7人到此店，叫了一個椰子雞窩，話出名，點知原來出名係求其同埋譚彥無味的窩，未見過透明的水加碎濕濕的椰子一隻生雞放在你面前，收三百幾蚊，完全冇味道，未見過咁不負責任的湯底！特色飲品和相片完全不同，加啲雜果糖漿便是，還有炸魚皮不新鮮不脆口還帶點油益味，海鮮拼盤亦不新鮮！

最恐怖七個人要同時七個Facebook like 先送所謂的刺身，一隻甜蝦一片八爪魚，仲要驗屍咁驗你個手機睇下你有冇呃佢！真係咁樣做生意不如唔好送...嗰啲好評信唔過，最後七個人食咗$1600，唔知食咗啲乜嘢！跟住再去上邊那間酒樓食一隻阿拉斯加蟹頂肚，五六斤重，都是1200 有找..

還有最討厭就係唱歌嗰啲人，不斷模仿四大天王的唱腔，很難聽！