大師兄 (Closed)

荃灣王少清中學對面的車房區近年開了不少餐廳，有中有西，令人眼花撩亂。日前經過該區，發現新開了這間以砵仔飯作主打的點心專門店「大師兄」，便入去試吓。先來個蝦餃。一籠兩隻幾大粒，蝦肉亦幾鮮，奈何其餡一夾就與皮分開，有點失望。牛肉腸不過不失，至少唔會蒸到一Pat Pat。排骨陳村粉的排骨幾滑溜，但陳村粉黏得勁了一點。其他點心反而唔錯，尤其是肉餅砵仔飯做到飯粒粒分明，是蒸飯的良好狀態也，果然以砵仔飯做主打係有D料到。最後來多個唔係度度有的鵪鶉蛋燒賣，是懷舊的味道也！總體來說，此店並非所有點心都掂，但價錢唔貴，為了食砵仔飯，再經過的話應會再幫襯。