大盛日本料理

Open Now

Now Closed

之前都食過幾次，覺得唔錯，於是今晚放工再去一次。今晚點了一個二人餐口，另外再加個芝士pizza。先講過二人餐，分別有刺身拼盤、三文魚壽司、炸雞球、牛肉壽喜燒、鰻魚炒飯同雪糕，都幾多嘢食。刺身拼盤同壽司都正常，唔算太突出。跟住到炸雞球，初頭以為侍應上錯，因為餐牌寫「唐揚炸雞球6本」，心目中都以為係一嚿嚿，但眼前的似雞軟骨多啲(因為好細粒)，於是就問侍應係唔係上錯枱，點知佢話啱，咁我以為二人餐轉咗，咁照食啦，點知食落去又真係雞肉，並非軟骨，只可以話係由炸雞球變成炸雞粒，不過食落去幾脆同香口，又夠熱，唔錯。然後到牛肉壽喜燒，覺得甜咗少少，同埋牛肉有啲「鞋」。再之後到鰻魚炒飯，鰻魚肉幾多吓，同埋份量都幾大。到最後個雪糕杯，雖然係現成，但出面好少食到呢個牌子，同埋海鹽同焦糖又確實唔錯。總括整餐都不俗，可以再返去。