睇完戲肚餓就係戲院附近見到呢間日本料理
《帯広はげ天 Obihiro Hageten》
見好似幾受歡迎 就入去試下喇！
都吾洗點等就入左去
啲員工都幾有禮貌
店內環境亦整潔美觀
Menu選擇都幾多，有單點亦有套餐
有鍋物，刺身，一品料理等等乜都有
2
叫左個大吞拿魚腩刺身4片 刺身新鮮 但個價錢就高少少 刺身亦不大片 我吾覺得特別好食 只能話不錯
有五個套餐揀，本身想揀十勝牛套餐，因為十勝牛無甘肥，但侍應話無曬，所以揀左北海道和牛套餐，套餐有沙律，有炒飯，有刺身，有甜品，有小鍋，和牛要自己燒，燒既時候吾洗油，因為和牛本身都好肥。
咪見好似每樣少少甘，其實好夠食。
因為和牛比較肥，食完覺得好濟，好「漏」
食到有少少嘔心
不過牛係吾錯既 建議同朋友叫兩個吾同既餐
Share食，或者叫個餐，再單點其他刺身等。
當然如果你係和牛迷，就吾需要啦！因為我本身食吾到好多牛肉。
呢個就係套餐入面小鍋，魚湯黎～有魚，有菜，香菇，金菇～個人認為吾腥～
炒飯比較清淡，都吾錯
最後埋單$13xx (2位)，已經包加一服務費
價錢都合理既～ 值得一試！
