📍甜一刻📍 #饅頭長沙灣 #饅頭食甜品
呢間小店嘅吐司磚塊係即叫即整，所以大家落單之後要預翻25-30分鐘嘅時間，另外老闆娘都好好人，小編食嘢嗰陣會主動問我需唔需要水。
------------------------------
芒果吐司磚塊 ($88)
佢真係好大份😳，雖然話係二人份，但係我同友人兩個女仔都食唔曬。佢嘅賣相成座山咁好靚，仲有芒果醬同士多啤梨醬做伴碟。
呢個甜品底層有3塊好有多士邊，中間裝住好多多士方塊磚，每塊都焗到脆口內香軟，微熱充滿牛油香😍，不過小編覺得佢嘅多士邊焗過咗，有啲硬同食到少少苦苦哋嘅燶味🤐。
上層就有一嚿好似雀巢味嘅大芒果雪糕球🍦，再蓋上一大層細滑嘅忌廉、芒果醬同少量嘅芒果肉，忌廉唔會太甜，同多士好夾，芒果肉鮮甜可以解下膩，但係食到最後依然係好濟，小編下晝食完飽到第二朝🙈。
友人：你明明之後仲食多咗串燒賣😑。
------------------------------
整體評分：7.4/10
小編回頭率：6.5/10
