芝樂坊餐廳

Cheesecake Factory 可以話係我係 Harbour City 既飯堂之一，因為價錢親民之剩味道又唔錯，所以都 Keep 住有幫襯。因為吸取過以往既教訓，食完餐包就已經飽到食唔到其他野，所以啲餐包係無郁過既，今次叫咗之前未叫過既菜式，睇下有無新驚喜。香脆蟹肉球 ($92) : 呢款覺得有啲貴，得六粒咁大把 😣 不過蟹肉球香脆可口，而且重有好多蟹肉，算係不過不失。炸魚薯條 ($178) : 呢個炸魚薯條就似返個樣，熱辣辣既薯條上面有四大件炸魚，隔離重有埋沙律添 👍🏻 超抵食，唯一美中不足係炸魚雖然好大件啖啖肉，但欠缺了魚既味道。😔雞肉蒜香檸檬意大利麵 ($188) : 呢個意粉朋友覺得唔錯，不過自己就唔太鍾意，因為個檸檬汁好酸，同埋覺得檸檬汁配意粉，味道有啲怪怪地，可能我唔識欣賞，所以食咗幾啖就無食。