夢工房西日料理 (Closed)

父親節，爸爸提意食放題，旺角又多人，都係去葵芳，荃灣啦。睇左好多間，最後決定平平地去葵芳夢工房。父親節，只要早兩日訂都有9折，我地一行6日，坐卡位，好迫。睇一睇點餐紙，食物都好多。佢話自己係西日放題，所以食物方面，除左有日本野，仲有西式扒類。我地仲加左每位$68任食生蠔同蟹腳，第一輪生蠔好大隻，不過唔算太肥美。第二輪開始就叫一打得半打，仲要等成大半個中先有，仲要追左幾次，蟹腳都正常既。我地懷疑佢入唔夠生蠔囉。刺身就等左45分鐘先到，三文魚，吞拿魚，立魚，八爪魚，帶子，墨魚片，鮑魚片，甜蝦，蟹棒，玉子。全部都有叫三文魚多肥美，八爪魚好薄d，帶子細粒又有雪味。天婦羅係新鮮即炸，但係等左一個中先到，仲要無天婦羅汁。燒三文魚頭，燒得香，又肥美。黃金燒蠔，好細粒肉。 一品料理既燒汁炒牛肉，牛肉好硬，牛油粟米，好香。壽司，全部都細細件帶子壽司，比起帶子刺身好食。西式扒類，包括羊架，牛扒，雞扒，牛舌等，都叫左，不過等左個半中先有得食，而且賣相勁差。另外仲有甜品，可以自己拎黎食，仲有雪糕添。飲品都係，不過食到一半罐裝飲品就無晒仲要唔re fill 唉。汽水機既汽水又無汽。應該無下次了，都俾錢既時候仲要