田記魚蛋牛腩專門店 (塘尾道)

Open Now

Now Closed

以為一碗普通魚蛋粉冇咩特別？魚蛋粉係香港嘅地都美食，無論大人細路都鍾意。我對魚蛋粉喜愛嘅程度誇張到就算要每日食都唔會厭㗎！😆 今次嚟到位於太子嘅田記魚蛋，聽聞呢度係專食崩沙腩嘅專誠過嚟試吓。先來一碗牛三寶米粉 ($42) 一碗就有晒牛筋、牛腩同埋牛肚，全部都係我最鍾意食嘅！牛腩同牛肚炆得好腍而且好入味，牛筋腍得黎口感帶點煙韌，唔似出面有啲粉面店會將啲牛筋炆得過腍一夾就散。淨魚三寶($31) 有魚蛋、魚片頭同埋魚皮餃。全部都係新鮮手打而成，口感非常彈牙，鮮魚肉味濃。淨餸黎講呢個價錢真係好抵！性價比超高。😇👍🏻再叫埋碟菜心同埋特飲就100分喇！叫左凍檸檳同凍檸蜜。順帶一提，呢度嘅自製辣椒油好惹味，用嚟點魚蛋食味道一流。