鳳鳴石磨腸粉 (香港工業中心A座) (Closed)

於荔枝角上班，唔想同人迫食晏晝，又唔想太heavy, 鳳鳴石磨腸粉係一個唔錯嘅選擇。石磨腸粉好有質感，當中不同配料的選擇，與酒樓食到嘅腸粉大大不同。今次我選擇咗豬肉石磨腸粉，當中有不同的味料，仲有特賣嘅芫荽，可以選擇不同辣度，可以單買，又可以配上燒賣同飲品作套餐，男士可以當小食或早餐，女士可以當午餐。店舖裝修簡單，店員年輕又殷勤，有禮貌，雖然只有外賣，等待嘅時間也不算長，快捷又方便。特別一提，石磨腸粉雖然不及酒樓腸粉嫩滑，但係各種配料放在一起，好有口感，唔油膩，感覺比較健康，下次會選另一款再試！