醬堡 (Closed)

聽聞大角咀都唔少高質野食，就約埋左朋友weekend黎呢邊搵下有啲咩好野食，無意間見到呢間小店—醬堡😛，聽個名都幾吸引喎，朋友又話想食burger，所以就決定入去試一試啦。「不一樣的醬堡，忘不了的味道。」呢一句真係中曬我對呢間餐廳嘅諗法🥰，佢地嘅burger味道同出面好唔同，用左特別嘅醬汁而製。🤍我就叫左個和風柚子照燒醬漢堡，食落柚子醬汁好清新，配埋佢嘅漢堡牛肉肉質鮮嫩，口感好好，非常Juicy😝😝，牛肉唔會話煎得太老。朋友就試咗佢嘅BBQ醬和牛漢堡，佢話和牛真係有入口即溶嘅感覺，好有牛嘅香味，值得呢個價錢🥰！我同朋友一樣都叫左個套餐，佢係包左粗薯條/鮮果盒。🥰 我地就升級左做惹味薯格，佢嘅炸物都炸得好香口，食得出係新鮮即炸。😝如果怕熱氣嘅朋友，都可以考慮選擇佢哋嘅鮮果盒😝。我哋都另外加咗試埋佢嘅特飲，血橙梳打，呢個飲品唔係喺好多地方會見得到，都幾特別㗎。😛😛總嘅來講，呢間小店嘅漢堡用心製作，可以媲美好多大型連鎖店嘅漢堡餐廳，值得你過嚟一試。🥰