尚素 (Closed)

最近好流行食素所以都同朋友黎呢間尚素到試吓因為我從來冇食過素咁所以我真係好期待第一次嘅體驗首先叫咗個龍口粉絲呢個都算係中等 唔算係話好特別嘅不過佢都有啲濃味另外就叫左個蝦多士佢上台嗰時我真係以為佢係一隻真蝦食落口塊多士好脆隻蝦我真係唔知佢做 真係同普通嘅蝦冇分別 質感同魚蛋有啲似 都彈牙既 係全晚最好食既菜仲有叫左牛肝菌麻婆豆腐明明係食緊素 但又有一粒粒好似肉質感既野 我諗就係牛肝菌 食落同普通麻婆豆腐冇咩分別 同埋唔辣 好岩唔食得辣既人另外叫左個翠玉瓜炒素花枝呢知菜完全打破我對素菜既認知唔講我真係以為自己食緊肉/真花枝其實佢係菇黎既 但無論味道同外觀都同真既一模一樣 而且食得出好有鑊氣 正！之後就係咕嚕肉 我諗係用素肉整個汁唔錯 唔會太酸同甜 但啲素肉就略嫌唔太上汁 同埋冇外脆內軟既感覺然後仲有牛肝菌煎芙蓉枝竹煎到好似蛋餅甘 入面有菇菌 煎完好香口有啲似酒樓食既薄撐 都好好味最後就叫左個黑松露松子仁炒飯黑松露聞起好香 食落唔會太重口味而且唔油 炒到啲飯一粒粒 加埋松子仁豐富左口感 值得一試呢次食素既經驗唔錯 間唔時想食少啲肉呢間係唔錯既選擇 而且價錢同普通酒樓差不多 未試過素菜既話