真心泰國菜館 (Closed)

呢幾日不停排隊，一站就數十小時，真係人都顛。晚飯要食飽啲補充返體力。但而家有錢都留返買口罩，買清潔用品，所以要揾間經濟實惠得黎又要衛生好，環境濶落既餐廳，我諗到佢……真心泰國菜館。樓上舖，地方大，泰國人主理，價錢合理，仲要好就腳 環境又大又靚，好有民族feel一人餐好抵食，有正宗泰國菜，仲包飲品和甜品飲品選擇多，但特飲當然要加錢啦泰式咖哩海鮮配白飯 $93咖哩汁高水準，混入炒滑蛋，另咖哩汁更濃稠，口感更佳。有蝦仁，蟹柳，青口，魷魚，蠔仔同一啲青椒和洋蔥做配菜，材料非常豐富。有咖哩伴飯，要ko碟飯完全無難度泰式蠔仔炒蛋飯配白飯 $76蠔仔份量多，雖然細細粒，但就好飽滿，食落去又鮮味，無沙。炒蛋也很棒，還有很多配菜。其他地方真的很少有這種碟頭飯吃附送既甜品：椰汁大菜糕入口冰涼爽滑，有淡淡椰子既味茶飲：熱薑母茶係街排左成日隊，吹左咁耐風，飲返杯薑母茶，暖下身，驅下寒，仲可以防感冒熱熱的，薑味適中，飲落口好舒服唉！食飽又要揾下明天去邊到撲口罩了