火山燒 (Closed)

難得放假，便同母親大人出街飲飲食食，印象中沒有一齊食過燒肉放題，一於黎食下火山燒，記得去年食過感覺不錯。價錢已加到$298一位，可食三小時還合理。枱上有三種醬料，辣醬，蜜糖醬同燒汁，另外仲有海鹽，黑胡椒，七味粉。呢度啲肉無預先調味，我地都落醬料落得幾兇。要加廿蚊先可以任飲，三十蚊仲有啤酒添。淨係燒肉好寡啫，梗係要叫下沙律，有菜沙律同漁夫沙律之分，後者多了幾粒魷魚，其他基本一樣，生菜，蕃茄仔，酸汁。味道一般，菜爽脆，但感覺有點行貨。叫了二人份量的櫻之貝盒子，有鮑魚，蚌，花螺，青口，帶子，蠔等，難得黎燒烤，叫番盤靚海鮮先，隻鮑魚好吸引呀。牛柳粒同豬脛肉牛肩肉，牛舌片，豬腩片三文魚，各種蔬菜仲有呢啲，鯖花魚，秋葵等。開波燒啦，一開始要等好耐先熱，之後啲石燒熱左就好快啦。聞到肉香了，牛味濃郁，啖啖牛油好正呀。海鮮可放係石上面燒，快熟啲，大大隻幾正。蔬菜放最尾，慢慢燒。就算有殼都好易熟幾靚，刀叉食燒鮑魚，爽口彈牙又鮮甜，正到暈。燒魚，加左醬汁都唔會黏底，唔知係咪燒完肉有油呢。魚油甘香，咬落好肥美，燒起上黎唔會腥，好正。其他蔬菜只要唔燒燶，不調味就可，食到食材本身嘅味道。價錢不便宜，但食到飽又有得