養心殿台式養生鍋 (Moved) New Location

一個唔起眼嘅商場， 完全唔覺有人流，原來並非傳統零售商場，搭扶手電梯上1樓竟然見到好多嚟養心殿呢度食嘢嘅客人 ，幸好朋友一早已經訂位，裏面分間開一格格可擺放着幾張大枱的格局有點原始味道，氣氛熱鬧。點了鴛鴦湯底，有美人鍋 ， 材料系桃膠、烏雞、杞子、南棗同埋金華火腿；另外一邊係養生鍋，材料有人參、火腿、老雞、豬肉龍眼同埋一啲名貴藥材淆製而成，兩邊湯底都唔簡單，材料十足，滋味補身養顏。跟住就叫咗個招牌滷味拼盤，裏面有牛展、牛肚同埋豬大腸....估唔到D滷味都幾有水準。另外仲有鹽酥蚵仔，即係炸蠔仔；同埋鹽酥雞粒兩樣都炸得好香脆尤其蚵仔外脆裏面軟冧冧。火鍋材料揀了上選美國安格斯肉眼肥牛、涮鍋小羔羊肉片、櫻桃鮮滑鴨片、鮮炸響鈴要好似肥牛肉咁輕輕拖兩拖就要食㗎喇；仲有千層凍豆腐、鵝肝墨魚丸、黑松露蝦丸、餃子拼盤；裡面有蝦餃、魚皮餃同雲吞等等；仲有一啲老油條、滑捋捋嘅鴨血 、什錦蔬菜盤、萵筍、山藥--即係鮮淮山；甜品雪糕呢有榴槤、芒果味同益力多味。今晚所有食材在一般的火鍋店都未必食到，勝在特別同新鮮，成班朋友吃得開心盡興，仲飲咗成打啤酒添。