海德花園酒家

Open Now

Now Closed

朋友生日約好星期一放工後一起去鯉魚門海德公園酒家食海鮮。如果經官塘坐小巴落車站行過去大約需要5-7分鐘時間。這酒家位置就在紹香園店對面，大家仲可以在這紹香園老店買琥珀合桃，因為這裏買會新鮮啲而且仲平過出面添。我哋一到達後就到他們介紹的海鮮店選海鮮，好新鮮的海鮮，我們選了6款海鮮而且仲點了兩款蔬菜。賴尿蝦新鮮又肥美；扇貝鮮甜加上蒜蓉粉絲同豉油混合一起食可以講係絕配。上湯大𧎚米粉餅好有驚喜，無想過隻𧎚可以大到好似隻細Size 龍蝦咁，而且爽甜彈牙，加上煎香的米粉餅配合就好似食上湯龍蝦伊麵一樣。但米粉餅有些焦香感覺，如果喜歡食飯焦嘅朋友一定喜歡。聖子、花螺及炒菜比較一般的味道，而奄仔蟹就非常出色，可能新鮮又多膏所以好好味。而最驚喜的菜色竟然係酥炸茄子，外脆內軟好豐富口感。最後，酒樓仲送了水果拼盤，糖水給我們。全餐飯好滿足，值得提介。