Seafood Stand (Closed)

星期六晚在旺角尖沙咀出街食飯從來不是容易的事。成日聽人講樂富唔同以前,今晚特意來逛逛，食個飯，落地鐵站就係商場，仲有日本大型商店UNY，另外仲好多食肆俾我地揀，未必一定去旺角都可以行街食飯輕鬆輕鬆。 行到咁上下就去一個食肆既平台食晚,朋友選左食海鮮，就食Seafood Stand. 首先點左是日餐湯，係青豆忌廉湯。青豆磨成蓉，很香豆味，唔會太傑身，有啲忌廉令燙更滑更易入口。 沙律本來想食凱撒沙律，店員話未能提供，只得Green Salad。 沙律菜種類都多而且新鮮爽口，煙三文魚大之餘都夠厚，煙三文魚既咸味都帶到俾啲菜，加埋啲麻醬都令菜同蕃茄都好夠味！ 啤酒炸漿炸蠔，好夠份量。啤酒味唔重，個炸漿殼做到好靚，蠔就咁太大隻，餐前小食份量剛剛好。 焗波士頓龍蝦，龍蝦開邊焗，個面仲怖滿芝士，焗出芝士味香濃的效果。波士頓龍蝦肉唔多仲夠曬彈牙，肉汁都鮮甜，龍蝦頭都有膏，食得滋味。 朋友點的十二安士牛扒夠矖份量，叫左五成熟，都夠淋，易咬開同夠牛味，薯條份量都夠多，金黃香脆。 無論食物質素，裝修，服務等都感到這小店的熱誠，期待下一次再來食飯暢聚。