Video
Read full review
2018-08-09
632 views
旺角兆萬中心一向都出名多食肆，樓下亦好多人喺度派傳單招客，但之前食過樓上需要搭電梯嘅幾間餐廳，感覺麻麻地。主要又係排長龍搭電梯呢個老問題，加上地方太窄，如果需要經常出去攞食物都幾辛苦架。而今次食呢間八鍋堂就無呢個問題啦，佢喺3樓，可以搭扶手電梯避開長長嘅人龍。呢度如果只食海鮮火鍋晚市只需$138起，但如果係火鍋加放題組合，最平由$188起，黃金時段18:00-20:59都只係$198，非常抵食呀。湯底都有幾多選擇，基本上都係免費嘅，除左幾款特別湯底--夏日水果、麻辣及四格湯底需要加$30-68不等。呢度有部分火鍋配料、刺身、壽司、燒物、天婦羅等等都係用ORDER形式，保持食品質素。我地揀左四格湯底，蕃茄濃湯、皮蛋莞茜湯、豬骨湯同埋海鮮豆乳湯，有特色又有創意，仲可以一種食物試晒四款口味，認真好玩。刺身有三文魚、冰山貝(迷你北寄貝)、鮑魚片、馬刀貝等等，款款都咁新鮮。湯底未滾，最好就叫啲熟食黎醫住肚先，鹽燒大虎蝦、蒜香雞翼、鹽燒牛舌、汁燒帶子貝等等，睇見都流晒口水，我影完呢張相唔夠10秒就清左碟啦。話明海鮮火鍋，海鮮當然係主打啦，除左基本嘅海蝦、蜆、鯪魚滑、帆立貝外，連象拔蚌、東風螺、蟶子
但之前食過樓上需要搭電梯嘅幾間餐廳，感覺麻麻地。
主要又係排長龍搭電梯呢個老問題，加上地方太窄，如果需要經常出去攞食物都幾辛苦架。
而今次食呢間八鍋堂就無呢個問題啦，佢喺3樓，可以搭扶手電梯避開長長嘅人龍。
呢度如果只食海鮮火鍋晚市只需$138起，但如果係火鍋加放題組合，最平由$188起，黃金時段18:00-20:59都只係$198，非常抵食呀。
湯底都有幾多選擇，基本上都係免費嘅，除左幾款特別湯底--夏日水果、麻辣及四格湯底需要加$30-68不等。
呢度有部分火鍋配料、刺身、壽司、燒物、天婦羅等等都係用ORDER形式，保持食品質素。
四格湯底
$68
20 views
0 likes
0 comments
仲可以一種食物試晒四款口味，認真好玩。
刺身有三文魚、冰山貝(迷你北寄貝)、鮑魚片、馬刀貝等等，款款都咁新鮮。
湯底未滾，最好就叫啲熟食黎醫住肚先，鹽燒大虎蝦、蒜香雞翼、鹽燒牛舌、汁燒帶子貝等等，睇見都流晒口水，我影完呢張相唔夠10秒就清左碟啦。
話明海鮮火鍋，海鮮當然係主打啦，除左基本嘅海蝦、蜆、鯪魚滑、帆立貝外，
連象拔蚌、東風螺、蟶子、生蠔都有供應，一於叫晒佢，黎個最強海鮮鍋。
除左海鮮，火鍋當然要有牛肉啦。美國肥牛，肉味香濃，啱晒食肉獸嘅朋友。
除左ORDER之外，仲有部分配料放左喺外面凍櫃，主要都係蔬菜、腸仔、午餐肉及丸類等等，
最啱啲鍾意自己慢慢揀嘅人，又唔會浪費，一舉幾得。
汽水櫃五顏六色就知款式多多啦，除左一般可樂、雪碧、檸茶、啤酒外，仲有放題比較少有嘅CC提子汁、CC蘋果汁。
雪糕有朱古力味、紅豆味、芝麻味，加上牛奶樂，4個人各人一種口味，剛剛好。
其實旺角西洋菜南街殺街後，第一次同朋友出黎旺角食飯，感覺到好似有種清新嘅感覺。
唔係誇張架，之前無咩特別野都真係唔會想行經呢度，
果啲大媽根本唔係唱歌，一味大叫，絕對係嘈音黎，真係好影響途人同附近居住嘅人。
Post
