芋泥燕世雪花盛盤 $100
最上層會淋上燕麥奶蓋，外加一球芋泥。芋泥用左產自台灣屏東同埋大甲，味道會比較濃郁同埋鮮甜。值得一提佢地嘅雪花冰係會有拉絲嘅效果，食落更加幼綿順滑。最底一層係仙草凍，特別Q彈。另外仲會配上一碗盛盤，會有芋圓、薯圓、珍珠、紅豆和紫米。
抹茶嫩仙草雪花盛盤 $88
最頂層係一球抹茶雪糕，抹茶味香濃又回甘。上面再淋上紅豆蓉，加添自然嘅紅豆味。同上面提到嘅芋泥燕世雪花盛盤一樣，同埋用到拉絲嘅雪花冰。另外同樣有一盤盛盤，好豐富呀。想甜啲嘅朋友，仲可以加入煉奶，咁樣食落就會更加香濃。
圓仔紫米紅豆牛奶
冬季限定飲品，暖暖糯糯
紫米紅豆加小湯圓仔完美配搭係一齊
✨人均100左右
如果唔想錯過其他好介紹，記得follow我呀😘
多謝大家！！！
