帕維亞意大利餐廳

Open Now

Now Closed

今次响九龍城寨城公園踩單車後行過對面街去搵嘢食，發現打鼓嶺道有間意大利餐廳。見餐廳內都差不多坐滿客人，一於入去試一試。地方唔算大，燈光柔和，有上層角樓，設有兩張大長枱,適合喜歡有私人空間的聚餐用，另有一個小酒吧，感覺好別緻。一貫常例食意大利餐都嚟個包先，有沾滿芝麻外層的輭熟包配厚牛油一件，同香口鬆脆蒜茸包,兩種各有風味。店員推薦我哋兩款主打菜其中呢款白酒煮新鮮紐西蘭青口，果然別樹一格，啖啖肥厚嘅青口肉，入口份外鮮味,。其次青炒大蝦墨魚麵，蝦肉彈牙鮮甜,雖然係墨汁麵，但與別不同唔會食到滿嘴都係烏卒卒，麵質煙韌富口感。店員確係無介照錯，今餐食得頗滿意。