禮記 (Closed)

茗茶有好幾款，我地揀左玫瑰荔枝茶，好清香！解膩！千島黑豚肉排粒炸得香口又唔乾身，配千島醬帶芝麻粒，好味。瑤柱魚滑上湯浸時蔬菜苗吸左魚湯同瑤柱既精華，好味！由於鍾意食辣，魚滑點左辣油好正！大愛好濃郁既魚湯，可能冇味精，飲完都唔會口乾。銀芽肉絲脆麵相信係禮記招牌菜，打卡必叫，反地心吸力既脆麵，職員會好細心問想濃定淡，幫我地加上d茨汁，同埋剪開d脆麵，方便食，雖然材料簡單，但食得出係心機菜。椒鹽海蝦椒鹽海蝦味道好香口，隻隻有蝦膏好正！最後一定要飲返杯清茶，完美作結。下次會好想試下d辣野，本身見到好多枱有點刴椒魚頭，賣相好吸引，可惜已經賣哂冇得試。