Video
Read full review
2010-01-22
21 views
公司今年係咁艱難環境下有錢賺, 老闆話要同我地食番餐好喎, 仲話去中環, 心諗唔係國金軒, 最少都鏞記啦, 落車去到, 至知道係去呢間叫大班樓食, 瞄左一下門口個meau食d咩, 好似都係d雞呀, 腐皮呀, 都係d小菜咁, 老闆出手好低左d喎.一路埋位, 一路埋怨, 諗住一年都無幾何食貴野架嘛, 點會食埋d咁既野, 直至第一碟菜黎到, 我呢個草根對「食一餐好」, 有新既睇法.........1.酥炸獅頭魚配陳醋 – 呢碟魚望落去係比較深色, 好似炸左好耐咁, 心中一沉, 會唔會食落去死死實實咁架?戰戰兢兢咬左一啖, 魚身已解左體, 鬆脆到不得了, 肉仲保持到個嫩度, 加埋陳醋食更鮮, 食完第一味, 開始有d期待下一味, 其他同事都無乜講野, 大家都係低頭猛擦!!2.滷水豬下巴配蜂巢豆腐-豬下巴口感係幾特別架, 如果要夾硬要形容係豬耳無左中間果d軟骨, 而且更煙韌.更難得係豆腐吸收左d滷水, 外皮依然脆口.3.龍井菊花燻乳鴿 - 一上台, 你已經聞到陣煙燻味, 鴿身好亮澤, 食落去肉依然好嫩, 鴿味濃, 最重要係唔油膩, 比市面上普通紅燒風味更好.4. 話梅一字排:一直都覺得食一字排好麻
1.酥炸獅頭魚配陳醋 – 呢碟魚望落去係比較深色, 好似炸左好耐咁, 心中一沉, 會唔會食落去死死實實咁架?戰戰兢兢咬左一啖, 魚身已解左體, 鬆脆到不得了, 肉仲保持到個嫩度, 加埋陳醋食更鮮, 食完第一味, 開始有d期待下一味, 其他同事都無乜講野, 大家都係低頭猛擦!!
2.滷水豬下巴配蜂巢豆腐-豬下巴口感係幾特別架, 如果要夾硬要形容係豬耳無左中間果d軟骨, 而且更煙韌.更難得係豆腐吸收左d滷水, 外皮依然脆口.
3.龍井菊花燻乳鴿 - 一上台, 你已經聞到陣煙燻味, 鴿身好亮澤, 食落去肉依然好嫩, 鴿味濃, 最重要係唔油膩, 比市面上普通紅燒風味更好.
4. 話梅一字排:一直都覺得食一字排好麻煩, 因為d肉好韌,會食得好狼狽, 但呢個一字排, 皮脆肉鬆, 食得出係新鮮貨, 兼無食粉, 應該慢火蒸完, 再炸之後埋獻, 三個字, 心機菜!!
6. 雞油花雕蒸大花蟹配陳村粉 – 呢味簡直係痴線, 如果比我揀, 什麼龍蝦, 什麼鮑魚, 都唔及呢個鮮, 咁多味最有層次就係呢樣, 拎起既時侯, 已經大陣酒味撲埋黎, 入口係一陣酒味, 嗒落就會食到蟹甜同海水咸味,而且本身花蟹好大隻,肉身厚 ,同好爽,碟野上台唔夠三分鐘, 陳村粉連埋d蟹汁就俾班禽獸清哂,我只係爭到一個拑,兩條陳村粉,勁唔夠喉囉!!
7.桂花杞子雪糕:澀、甜、香、滑、甘食完呢個自家製雪榚, 第一次食d咁過癮既雪榚, 口感好creamy.
最後食到個個攬住個肚走, 埋單好似每人三, 四百蚊, 唔係平, 但呢餐既性價比係相當高, 由揀選食材到烹調, 都係用扎扎實實既功夫做出黎 , 味精, 食粉, 「睥水」呢d蠱惑野都無用, 而且有一d口感同味道, 你未曾係出面試過, 呢一餐真係大開眼, 美中不足既, 對於我d呢草根黎講, 有d貴, 唔可以當佢飯堂咁食, 唯有隔幾個月黎一次, 止一止咳啦, 最後多謝老闆帶我地食好野!
Post