Igatti (Closed)

返工壓力大，日日都有新衝擊，放工即刻去買返件精緻嘅甜品，安慰心靈上嘅疲倦。喺蛋糕櫃前，猶豫咗好耐揀邊款好，最終揀咗經典嘅芒果拿破崙和草莓拿破崙。話時話，個外賣蛋糕盒好靚......拿破崙層層分明，topping 有嬌嫩欲滴嘅士多啤梨，同埋香甜嘅芒果，中間仲有一層清晰可見嘅水果餡，感覺清新。第二層係千層酥皮，口感鬆脆，但咬落去唔會俾人碎濕濕嘅感覺，唔使驚食到一枱都係碎。再落一層有吉士，幾香幾滑。打完一輪卡，再將蛋糕食晒落肚，食完唔會覺得太heavy，心靈總算得到一絲安慰。