和藏 (Closed)

平時放工經過見到單張幾吸引，今晚終於同同事book左位試下工廈既和藏半自助式既cafe！ 店內裝修都唔錯，地方幾大環境幾舒適！ 我地選擇左呢到既B餐，有黑松醬伴磯燒飽魚，燒香左既鮑魚配上香噴噴黑松露醬非常夾，香草蜜汁京燒豬仔骨，豬仔骨甜甜地幾惹味，鐵板祕醬蝦碌，蝦煎得好香脆醬汁亦調得好好味，蝦肉好彈牙一d都會淋，鐵板蟹肉燴意粉，好多蟹肉意粉醬汁味道唔錯，份量又岩岩好唔會太多！ 安格斯牛肉shabu shabu，牛肉好靚牛味好重，打完邊爐仲可以加d配料煲埋粥黎食，因為自己任放配料，所以粥底都好甜！另外包埋半自助式bar任拎野食，熟食飲品刺身甜品樣樣都有，刺身三文魚，希靈魚，帶子，墨魚片......樣樣都好鮮甜！ 凍食長腳蟹，蝦，螺，青口亦都唔錯好鮮味！ 熟食見有烤三文魚鮨幾特別，試下又幾好味，不過食得多應該會好漏！飲品以韓式罐裝飲品為主，選擇都算多成十幾款飲品，不過不失呀！