Video
Read full review
2022-05-12
1333 views
平時食美式快餐漢堡包🍔都會諗起S字頭同埋5👨🏾🤝👨🏽，今次誤打誤撞試咗呢一間喺電車路邊嘅漢堡包店，性價比都幾高，價錢比較平啲之外，包嘅size&質素都唔錯，推介一試！*招牌炸雞🍗 漢堡$50*我揀咗呢個炸雞漢堡，一攞上手已經有驚喜，比我想像中重手🤣，好有厚度，炸雞嘅脆皮又薄又香口，入面啲肉質仲好嫩滑。除咗醃青瓜外，仲有蕃茄、蛋黃醬；甜芥末，平衡番炸雞扒嘅油膩，醬嘅量又唔會過多令個包濕晒。題外話，呢間快餐店仲有淨炸雞賣，我相信應該都會幾好食😋*Bobby漢堡 $58*朋友揀咗呢個巨無霸，芝麻漢堡包夾住雙層牛肉漢堡扒，我就冇試喇，佢平時勁鍾意食漢堡包，見佢食得咁滋味，應該都係正既，佢話抵過平時食開個幾間🤭*+$30 有套餐包薯條🍟/薯粒/沙律&汽水🥤*我地試咗薯條同薯粒，兩隻都好食，薯條係幼個隻，薯粒係薯餅既質地，食到最後都係咁脆，薯味十足
平時食美式快餐漢堡包🍔都會諗起S字頭同埋5👨🏾🤝👨🏽，今次誤打誤撞試咗呢一間喺電車路邊嘅漢堡包店，性價比都幾高，價錢比較平啲之外，包嘅size&質素都唔錯，推介一試！
*招牌炸雞🍗 漢堡$50*
我揀咗呢個炸雞漢堡，一攞上手已經有驚喜，比我想像中重手🤣，好有厚度，炸雞嘅脆皮又薄又香口，入面啲肉質仲好嫩滑。除咗醃青瓜外，仲有蕃茄、蛋黃醬；甜芥末，平衡番炸雞扒嘅油膩，醬嘅量又唔會過多令個包濕晒。題外話，呢間快餐店仲有淨炸雞賣，我相信應該都會幾好食😋
*Bobby漢堡 $58*
朋友揀咗呢個巨無霸，芝麻漢堡包夾住雙層牛肉漢堡扒，我就冇試喇，佢平時勁鍾意食漢堡包，見佢食得咁滋味，應該都係正既，佢話抵過平時食開個幾間🤭
*+$30 有套餐包薯條🍟/薯粒/沙律&汽水🥤*
我地試咗薯條同薯粒，兩隻都好食，薯條係幼個隻，薯粒係薯餅既質地，食到最後都係咁脆，薯味十足
Post
