金鳳大餐廳 (新都城中心三期)

Open Now

Now Closed

將軍澳開咗間金鳳，終於搵到時間嚟試下，下午茶時間都有午餐同扒餐供應，我哋揀咗兩份下午茶餐，一份午餐。其中兩個餐有湯同餐包，湯比較重味精，包好軟熟。馳名一口西多士，夠厚，不過我覺得唔夠糖漿，有啲乾。鐵板薄西冷牛扒餐，呢個幾好呀，牛肉好嫩。車打芝士醬燴大蝦意粉，剩係好重芝士無其他味，真係食唔落，所以我剩係食咗幾啖同食晒蝦仁就無食。值得一讚嘅係見到咁嘅情況，餐廳會主動了解，有位職員見到完全無點食過，問係唔係食物有問題，我話唔係，係唔啱我口味，唔關你哋食物事。