Video
Read full review
2013-12-01
262 views
成班朋友飯局，當然唔少得食糖水，聽聞槍街附近有好幾間糖水鋪，咁就一於去試下。沿住煙廠街街市(馬會隔離)直行到尾，左邊第一間就係土屋，黃色招牌都幾吸引到人，當時星期六十點幾，幾間鋪頭都要等位，我地一行十人分頭攞飛，服務員姐姐都好有禮貌地問我幾位，仲見我地有十位，好細心咁留左個電話話好快俾到枱我地。咁等位期間睇下其餘幾間，發現相比之下呢間土屋都係幾間鋪之中最多位，人流亦唔錯。可能因為多位關係，好快就入得(五至十分鐘)，雖然多人，但係都坐得幾舒服。我地坐個個位可以睇到廚房(開放式)同埋出餐，見到啲野食都幾吸引，我地又無乜頭緒叫咩好，就問下啲侍應，啲妹妹都好樂意介紹，唔會黑口黑面，值得一讚！最後決定嗌左八樣野食一齊share，可能好多都係要焗，所以都要等十五至二十分鐘，但係對我地黎講都接受到既。(無影相，失策！)1. (個妹妹話係最多人食既) tiramisu豬豬佢話入面係豬仔包切成粒粒，之後有啲咖啡味既cream，上面有雪糕。當初大家都好驚會中伏，始終未聽過豬仔包做甜品，但係又出奇地夾，唔會好cream，聽講仲有個芒果味，下次有機會試！2. 香蕉船可以自己揀返雪糕，最愛綠茶既友人一於叫晒綠茶
沿住煙廠街街市(馬會隔離)直行到尾，左邊第一間就係土屋，黃色招牌都幾吸引到人，當時星期六十點幾，幾間鋪頭都要等位，我地一行十人分頭攞飛，服務員姐姐都好有禮貌地問我幾位，仲見我地有十位，好細心咁留左個電話話好快俾到枱我地。咁等位期間睇下其餘幾間，發現相比之下呢間土屋都係幾間鋪之中最多位，人流亦唔錯。可能因為多位關係，好快就入得(五至十分鐘)，雖然多人，但係都坐得幾舒服。
我地坐個個位可以睇到廚房(開放式)同埋出餐，見到啲野食都幾吸引，我地又無乜頭緒叫咩好，就問下啲侍應，啲妹妹都好樂意介紹，唔會黑口黑面，值得一讚！
最後決定嗌左八樣野食一齊share，可能好多都係要焗，所以都要等十五至二十分鐘，但係對我地黎講都接受到既。(無影相，失策！)
1. (個妹妹話係最多人食既) tiramisu豬豬
佢話入面係豬仔包切成粒粒，之後有啲咖啡味既cream，上面有雪糕。當初大家都好驚會中伏，始終未聽過豬仔包做甜品，但係又出奇地夾，唔會好cream，聽講仲有個芒果味，下次有機會試！
2. 香蕉船
可以自己揀返雪糕，最愛綠茶既友人一於叫晒綠茶味啦，不過不失。
3. baileys梳乎里
本身想嗌原味，但係有朋友話想試下咖啡酒(baileys)，漲到好高呀個souffle！同食落食唔算太重bailey味，但係口感一流！
4. 心太軟配vanila雪糕
諗住都係一個好普通既甜品，但友人話食落去竟然有棉花糖係入面，一熱一凍，正！
5. 付竹蛋糖水
不過不失既糖水，西式甜品主打既甜品鋪黎講，呢到既中式糖水都唔錯。
6. 彩虹枕邊人
侍應都推薦我地食呢個，話係三件焗過既酥皮，上面有三款唔同生果，仲配上唔同既醬，我就無食到，但係友人話芒果個件好食，聽講仲有個叫芒果枕邊人(定唔知咩名)，下次可試。
7. 比利時窩夫
呢個不得不讚，佢可以揀返水果，雪糕，仲可以自己揀要咩醬料，咁水果揀左最basic既芒果同香蕉，醬就要左蜜糖。
佢係本身已經切成粒，慳返切粒切件既功夫，但賣相仍然好正，窩夫唔會好似格仔餅咁林，熱辣辣配上蜜糖，鍾意甜既一定要試下。
8. 叻叻豬
呢個名真係十分頂癮，本以為會係伏，聽侍應講話底係香蕉，然後有咖啡味既cream同jelly，再配雪糕，有少少似parfait，呢個入面既jelly咖啡味好重，單食有少少苦，但係夾埋雪糕就不錯！
一行十人，嗌左八樣野都無中伏，反而都幾有驚喜，出乎意料之外。唔明點解間鋪食評(尤其好評)唔多，難道而家只有劣評，沒有讚賞的空間嗎？
呢間土屋仲有甜品放題，好似百幾蚊一位就可以食晒全部甜品，全部都任飲任食(仲好似無限邊啲唔食得架！)，有機會可以試下喎。
值得一讚的是環境真係闊落，坐得都幾舒服，服務都沒有其他食評中提及的黑口黑面，下次有機會食甜品會再一試！(好想試埋佢個朱古力窩夫，芒果既枕邊人同埋芒果既豬豬！)
Post