基本上每張枱上面嘅糖漿都爬住成堆埋螞蟻，冇仔細睇攞起嚟，嚇到我差啲倒瀉支糖漿😱我諗應該個糖漿係冇蓋，所以吸引到啲螞蟻。
雖然但是其實張枱都有好多螞蟻爬來爬去，唔緊要啦，我當親親大自然😄但係啲枱仔細望落去好似冇抹過咁冇清潔
其實個豆腐花都唔係話好好食，佢得糖漿冇砂糖，我比較鍾意食砂糖，可能唔係咁啱我口味。但個豆腐花都唔係好滑，渣渣地嘅口感
講返阿婆，嗌豆腐花嗰陣，完全冇同我講過嘢，眼都冇望過一眼，我有我講佢有佢潷豆腐花，呢個態度唔知好定唔好🥲
總之我下次都係去返近榕樹灣碼頭嗰間豆腐花，唔會再嚟，真係講聲唔好意思先🙏🏻
