土耳其小城 (萬昌樓) (Closed)

今餐真係覺得幾特別幾滿足，中東菜之中我覺得係首選。重點必推以下呢兩樣：浮雲沙律💓點解叫浮雲就唔知喇，不過擺盤又幾靚，旁邊有幾粒紅車厘茄，中間都有一條條紅菜絲點綴，底層就以綠色為主有青瓜生菜。食落去真係幾新鮮幾爽口，佢特別之處有啲綠色嘅醬，似係薄荷醬，令到成個沙律都好清新。蒜油烤餅 💓顧名思義係充滿蒜香味。咬落去充滿香蒜味就基本，最緊要係佢個皮都做得好靚。外邊卜卜脆，裏面煙韌鬆軟，即製新鮮。鍾意食蒜嘅一定唔可以錯過。如果嫌蒜味太濃都可以試下佢牛油烤餅或者土耳其薄餅。其他菜式都可以略為講下，就好似印度咖喱雞，橙橙黃黃嘅咖哩鋪到滿曬，非常重嘅香料味，辣度十足。🦃  另外烤羊肉都幾正，充滿芫荽籽嘅免治羊肉，酸酸甜甜嘅效果，剛好中和到燒烤嘅咸度。🔥其實都仲有好多特色菜可以再試，下次試完再話畀大家知。