Video
Read full review
2019-06-08
54 views
上次去大角咀打波經過依度立下眼見到有間好似酒館咁既餐廳, 原來係食德國菜! 今晚約左9點打波, 於是就黎依度食個晚餐再出發啦~門口有排藍色長櫈, 就係比佢catch到我目光既, 可以見到入面唔係好大, 只有幾張枱~今晚黎食先留意到, 7點半前離座有85折, 早知早d黎啦!!!入到去坐靠牆既位, 牆身係靚靚紅磚加d裝飾, 幾有味道。依度既signature dish當然就係德國菜必食既豬手同德國腸啦, 見到隔離枱好多都食德國咸豬手配啤酒, 幾大份又好似好正咁! 但我地都驚食咁大隻豬手一陣飽得濟打唔到波, 所以今次就試住個普通既德國腸拼盤先! 再另外加左小小野食~食物大概5分鐘就上枱, 哇原來哩個德國腸份量都唔小野, 仲有薯條墊底同酸菜伴碟, 因為仲叫左2樣野食都有d驚食唔哂佢total有4款腸, 雖然唔係好分得清邊隻打邊隻~但個人最中意依款中間最粗身個隻, 腸皮咬落去係脆既, 之後入面既肉幾juicy而且好惹味薯條又炸得幾好, 唔知點解每一條都好脆卜卜但睇個樣又唔係好燶, 口感有d似用氣炸鍋做出黎個種脆卜卜咁!蒜蓉包食度有意粉or飯個d食既, 但都係一開頭驚太飽打唔到波所以諗住叫個蒜蓉
門口有排藍色長櫈, 就係比佢catch到我目光既, 可以見到入面唔係好大, 只有幾張枱~
今晚黎食先留意到, 7點半前離座有85折, 早知早d黎啦!!!
入到去坐靠牆既位, 牆身係靚靚紅磚加d裝飾, 幾有味道。
依度既signature dish當然就係德國菜必食既豬手同德國腸啦, 見到隔離枱好多都食德國咸豬手配啤酒, 幾大份又好似好正咁! 但我地都驚食咁大隻豬手一陣飽得濟打唔到波, 所以今次就試住個普通既德國腸拼盤先! 再另外加左小小野食~
食物大概5分鐘就上枱, 哇原來哩個德國腸份量都唔小野, 仲有薯條墊底同酸菜伴碟, 因為仲叫左2樣野食都有d驚食唔哂
佢total有4款腸, 雖然唔係好分得清邊隻打邊隻~但個人最中意依款中間最粗身個隻, 腸皮咬落去係脆既, 之後入面既肉幾juicy而且好惹味
薯條又炸得幾好, 唔知點解每一條都好脆卜卜但睇個樣又唔係好燶, 口感有d似用氣炸鍋做出黎個種脆卜卜咁!
蒜蓉包
食度有意粉or飯個d食既, 但都係一開頭驚太飽打唔到波所以諗住叫個蒜蓉包代替飯, 做得好香口又係脆卜卜, 同薯條一樣都係勁岩用黎送啤酒!
香蔥芝士薄餅
依個因為係出面比較少見到, 所以好想試下, 餅皮做到煙煙韌韌, 幾有咬口! 香蔥融入左成塊薄餅, 每一啖都食到香蔥味, 再加埋中間薄薄既芝士心, 唔覺唔覺就食哂成碟!
原本諗住都係小食, 食7成飽就去打波, 點知原來食落都幾大份, 最尾食到我地兩個都好飽😂好彩打波個陣無胃抽筋!!
埋單三百蚊多d, 下次我地諗住唔洗打波早d黎試佢既豬手配埋啤酒, 有75折仲抵呀
Post
