來多客餐廳

係長沙灣附近探親友，行到附近求其入左一間茶餐廳食個下午茶，其實食都係其次，至在有個舒服又靜靜地既地方傾下計。依度大部份都係卡位，格局夠舒服，唔洗亂咁搭枱。

一人叫左一個餐，試下係咪真係如其名要《來多客》

燒汁豬扒拼鴨胸飯

豬扒夠晒淋，好好切又夠大件。燒汁又多，撈飯一流。而且仲配薯菜，大碟又抵食。

炸雞翼薯條

炸雞翼好乾，又黑，似係番炸左幾次，而且又細隻。薯條都尚可，夠粗身又熱辣辣，唔係炸幾次好乾果種。

喳咋糖水

跟餐可以跟飲品/糖水，我地就要左喳咋。有好重既椰汁味，甜度適中，而且豆又夠淋，好食！

下次可以來多客既應該唔會係炸雞翼。